بیرده کونول عشقیوی هئچ باشدان آتانماز گئجه سنسیز دا یاتانماز بو الیم اللریوه بیرده چاتانماز سنین هجرین ده چکن قایغین… دویغولو سوزلرین هیجاسی سن، سن ماکو فری زونوم، آنا توپراغیم سربست اولکه لرین، اوجاسی سن سن ماکو فری زونوم آنا توپراغیم قلم اللریمده سننن، سؤز یازیر اورگیم دییر بیر دایان، دؤز، یازیر آلیشیب عشقینله اولوب چؤز، یازیر ماکو فری زونوم آنا توپراغیم سوروشمایین نه لر واردی، قانیمدا داش ماکونون داماری وار جانیمدا سنه قوربان شهرتیم ده، شانیم دا ماکو فری زونوم آنا توپراغیم سونولمز بیر آلاو، اوجاغیندا دی اوبامیز داغالرین، قوجاقیندا دی ایرانین باشیندا، بوجاغیندا دی ماکو فری زونوم آنا توپراغیم آنا توپراغیمی غم، بورومه سین دوشمان لار آغالسین، هئچ چیریمه سین قویلاسان «محزونو» قوی چورومه سین ماکو فری زونوم آنا توپراقیم